ОМО ІАҚ БАСШЫСЫНЫҢ ІШКІ АУДИТ ҚЫЗМЕТІ ЖҰМЫСЫНЫҢ ТИІМДІЛІГІН БАҒАЛАУЫ

Abstract

Соңғы жылдары экономикамызда ішкі мемлекеттік аудиторлардың рөлі одан сайын артуда. Бұл қызмет түрі экономиканың маңызды элементі болып табылады. Сонымен қатар, ішкі аудит қызметі мемлекеттік органды басқарудың дамуына айтарлықтай үлес қосады, өйткені бұл қызметтің жұмысы орталық мемлекеттік органдардың ішкі бақылау жүйесін жетілдірудің маңызды және ақылға қонымды жолы болып табылады. Сол себепті де, орталық мемлекеттік органдардың ішкі аудит қызметтері жұмысының тиімділігін бағалау үздіксіз жүргізіліп отыруы қажет. Орталық мемлекеттік органдардың ішкі аудит қызметтерінің басшысы өткізетін бағалау ішкі аудит қызметтерінің басшысына қызметтің әлсіз жақтарын көруге және оның жұмысын жақсарту үшін шаралар қабылдауға мүмкіндік береді. Ішкі аудит қызметінің тиімділігін бағалау тәуекелдерді басқару және ішкі бақылау процесінің қажетті құрамдас бөлігі болып табылады.