Аннотации:
Кез-келген мемлекеттегі тұрғын үй мәселесі негізгі мәселелердің бірі болып
табылады, өйткені азаматтардың әлеуметтік әл-ауқаты толығымен тұрғын үймен қамтамасыз
етілуге байланысты. Қазақстан тұрғын үйді дамытудың бірыңғай моделін әзірлеуде, онда негізгі
қағидат, әсіресе халықтың әлеуметтік сезімтал топтары үшін тұрғын үйге қолжетімділікті арттыру
болып табылады. Бұл үшін елімізде тұрғын үй ипотекасының қолжетімділігін арттыруға ықпал
ететін жаңа тұрғын үй бағдарламалары енгізілуде.
Мемлекет Басшысы Қасым-Жомарт Тоқаев «сындарлы қоғамдық диалог – Қазақстанның
тұрақтылығы мен өркендеуінің негізі» атты Қазақстан халқына Жолдауында отбасылық табыстың
түрлі деңгейіне сәйкес келетін бірыңғай тұрғын үй саясатын әзірлеуді тапсырды. Кезекте тұрған аз
қамтылған көп балалы отбасыларға тұрғын үй беру мәселесін үш жыл ішінде шешу қажет, ал
тұрғын үй сатып алу үшін табысы жоқ азаматтарға әлеуметтік жалға алу жағдайында тұруға
мүмкіндік беру керек [1].
Ипотекалық нарық кез келген елдің қаржылық инфрақұрылымының маңызды элементі
болып табылады, ол халыққа тұрғын үйдің қолжетімділігін қамтамасыз етуде шешуші рөл атқарады. Қазақстанда, көптеген басқа елдердегідей, ипотекалық сектор белсенді даму сатысында тұр. Осы саладағы тиімді стратегиялар мен саясаттарды іске асыру бүгінде экономиканың тұрақты дамуын қамтамасыз ету және азаматтардың өмірін жақсарту үшін стратегиялық маңызға ие.
