ҚАЗАҚСТАН РЕСПУБЛИКАСЫНЫҢ ЕГЕМЕНДІГІ МЕН МЕМЛЕКЕТТІК ТӘУЕЛСІЗДІГІН ҚАМТАМАСЫЗ ЕТУДЕГІ АКАДЕМИК С.ЗИМАНОВТЫҢ ХАЛЫҚАРАЛЫҚ ҚҰҚЫҚҚА ҚОСҚАН ЖЕКЕЛЕГЕН ҮЛЕСІ

Abstract

Мемлекеттік егемендік оның аумағының тұтастығын, қолсұқпаушылығын білдіреді. Кеңес Одағы ыдырап, әлемнің саяси картасында бірнеше тәуелсіз мемлекеттер пайда бола бастағанда мысалы, Қазақстан Республикасының да халықаралық құқықтың дербес субъектісі ретінде танылуы ұлттық құқықтық жүйені қалыптастыруды кезек күттірмейтін өзекті мәселелердің бірі ретінде күн тәртібіне қоюының өзі заңдылық еді.Қазіргі заманауи халықаралық құқық мемлекеттік егемендік пен аумақтық тұтастық қағидаларының орындалуын мемлекеттің өмір сүруі үшін қажет императив ретінде көтереді. Тұтастық пен мемлекеттік егемендік сипаттамасы қоғамның саяси ұйымдастырылуының негізгі өмірлік тараптарын қамтиды. Бұларсыз қоғам толық емес, яғни шектелген болар еді.