МЕМЛЕКЕТТІК ЭКОЛОГИЯЛЫҚ АУДИТ ТҮСІНІГІ МЕН ЕРЕКШЕЛІКТЕРІ

Abstract

Еліміздің қаржылық бақылау жүйесін трансформациялау негізінде құрылған Қазақстан Республикасының мемлекеттік аудит жұйесі бақылау органдарының құзыреттіліктеріне мүлдем жаңа функциялар енгізуде. Сондықтан мемлекеттік аудит органдарынының инновациялық бағыттарын зерделеу аса маңызды болып табылады. Мақалада республикалық бюджеттің атқарылуын бақылау жөніндегі есеп комитетінің және тексеру комиссияларының жаңа функциясы болып табылатын қоршаған ортаны қорғаудың мемлекеттік аудиті, басқаша айтқанда, мемлекеттік экологиялық аудиттің теориялық аспектілері қарастырылған. Шетелдік және отандық ғылыми әдебиеттер, құқықтық актілер компоративті зерделене келе мемлекеттік экологиялық аудит түсінігіне авторлық сипаттама берілген және оның тек ведомстводан тыс сипатта жүргізілетіндігі, жаһандық, халықаралық, аумақтық деңгейлерде ұйымдастырылатындығы, тексерудің келісілген түрлерін қолданатындығы, мемлекеттік аудиттің барлық типін қамтитындығы сияқты ерекшеліктері негізделіп, анықталған.