Аннотации:
Мақала қоғамдағы өзін-өзі қорғай алатын, дені сау, ақыл-есі дұрыс адамдар
тарапынан көрсетілетін зорлық-зомбылық, кемсіту, намысына тиетін әрекеттерге
ұшырайтын әлеуметтік топтар мен ғаріп балалардың хал-жағдайын жақсарту шараларын сипаттауға арналған. Зерттеу жұмысы ерекше білім беру қажеттілігі бар балаларды қоғамға бейімдеу үшін әлеуметтік педагогтың рөлі мен психологиялық-педагогикалық сүйемелдеу жұмыстарының түрлерін сипаттау мақсатында жазылды.
Зертеу барысында алынған ғылыми нәтижелер бойынша, ғаріп адамдарды, басқа ұлттың өкілдерін, әлеуметтік мәртебесі төмен қоғам мүшелерін кей жағдайда кемcітетін, қорлайтын көзқарастар орын алатыны анықталды. Ғаріп балаларды қоғамның
толыққанды мүшелерінің қатарына тарту үшін инклюзивтік мектептерде оқытудың қажеттілігі көрсетіледі, ғаріп балалардың жай мектепте оқу үшін олармен арнайы
психологиялық-педагогикалық сүйемелдеу жұмысының керектілігі анықталды. Осының
негізінде психологиялық-педагогикалық сүйемелдеу жұмысының қызметтері (өрістету,
дамыту, ынталандыру, өтемділік, өрістету-тузету), психологиялық-педагогикалық
сүйемелдеу жұмысының деңгейлері, баланың психикалық хал-ахуалын үнемі бақылау, ғаріп баланың жеке және топтағы оқу үдерісін бақылау жұмыстары карастырылды. Зерттеу барысында сипаттау, талдау, бақылау әдіс-тәсілдері қолданылды.
