Редже моделiнде серпiмдi pp-шашырау

Abstract

жоғары энергиялы ядролық физикада Редже теориясынан гөрi, нуклондардың өзара әсерлесуiнiң неғұрлым қисынды теориялық моделiн табу қиын. Өз кезегiнде, Редже теориясы амплитуданың параметрленуiне өте тәуелдi.Соңғы онжылдықтарда әртүрлi энергия диапазондарында бiрнеше параметрлеу ұсынылды. Олардың бiрi он жыл бұрын 3-тен 50 ГэВ дейiнгi диапазондағы серпiмдi нуклон-нуклон шашырауының спиральды амплитудасы үшiн алынған. Бұл диапазон ерекше қызығушылық тудырады, өйткенi ол өткен жылы Бiрiккен ядролық зерттеулер институтында (Ресей Федерациясы) Нуклотрон үдеткiшi негiзiнде iске қосылған NICA (Nuclotron based ion collider facility) үдеткiш кешенi энергиясының жоғарғы шегiн қамтиды. Сонымен, Редже теориясы NICA коллайдерiнiң ғылыми зерттеулерiне теориялық қолдау көрсетуге көмектеседi. Алайда, ғылыми ортада өзiне тән феноменологиялық сипатқа байланысты бұл теорияға сенiмсiздiк бар. Сондықтан Редже теориясының кемшiлiктерiн ескере отырып, осы теорияның NN-амплитудасының аталған параметрлеуiн қосымша сынаудың қажетi бар. Бұл мақсатпен осы параметрлеуде 9 ГэВ/с сәуленiң импульсi кезiнде серпiмдi рр-шашырауының инвариантты дифференциалдық қимасы мұнда ұсынылып тұрған мақаламызда есептелдi; есептеудiң нәтижесiн қолданыстағы эксперименттiк деректермен салыстыру амплитуда параметрлерiнiң кейбiр өзгеруiн болжау кезiнде қанағаттанарлық сәйкестiктi көрсеттi.