МЕМЛЕКЕТТІҢ БЮДЖЕТАРАЛЫҚ ҚАТЫНАСТАРЫН ҚАЛЫПТАСТЫРУ ҮРДІСІ

Abstract

Мақалада бюджеттік қатынастар қаржы ресурстарының өңірлік деңгейде барынша шоғырлануын қамтамасыз ететін басымдықтарды орындауға және қаражатты жинақтау мақсатында бағытталғандығы қарастырылған. Соңғы жылдары республиканың бюджет жүйесінде бюджеттің кірістері мен шығыстарының құрылымына, оның тапшылығын қаржыландыру көздеріне қатысты белгілі бір өзгерістер болды. Соған қарамастан, бюджетаралық қатынастар жүйесі әлі де қалыптасу сатысында және елдің жекелеген өңірлерінің әлеуметтік-экономикалық даму ерекшеліктерін ескере отырып, оңтайлы тетікті табу әлі де жалғасуда. Бюджет жүйесінің әртүрлі деңгейлері арасындағы билік өкілеттіктерінің аражігін ажырату мәселелері Қазақстан Республикасының Бюджет жүйесі дамуының қазіргі кезеңінде неғұрлым маңызды болып табылады.