НЕСИЕ НАРЫҒЫ, ОНЫ ҰЙЫМДАСТЫРУ МЕН ЖҰМЫС ІСТЕУ ЕРЕКШЕЛІКТЕРІ

Abstract

Несие қатынасын ұйымдастырудың деңгей көрсеткіші процес кезінде несие мәмілелері негізінде қаржы келісімшарттары ретінде есептелетін несиелік қоржын сапасын көрсетеді. Несие қоржынының төмен сапасы біршама екінші деңгейдегі банктердің экономикалық күйзелісінің негізігі себебі. Коммерциялық банктердің қаржы секторының орнықты жұмыс істеп тұруы үшін несиелік портфель сапасы басты рөл ойнайды. Қазіргі уақытта банктерде кездесетін төмен несиелік белсенділік әлеуметтік-экономикалық белгісіздік кезінде несие тәуекелдеріне мойынсұну жағдайында банктердің несие қоржынының сапасының төмен деңгейде боуына байланысты орын алады. ҚР Ұлттық банкінің аналитиктарының пайымдауынша, банктердің шет елдерден инвестиция тартудың тәуелділік деңгейін төмендету аз уақыттағы перспективада банк саласының сыртқы экономикалық құбылыстарға икемділігін арттыруға әсерін тигізеді. Қазіргі уақытта бәсекелестік жағдайында әрбір банк өз клиенттері мен олардың салымдары үшін үнемі күресуге, мұқият қарауға, клиенттеріне жоғары деңгейдегі банктік өнімдер мен жылдам қызметтерді ұсынуға, орнықтылығы мен сенімділігін сақтай отырып, нарықтағы әрбір экономикалық өзгерістерге тез икемделуге міндетті. Жалпы алғанда, әрбір операциясы заман талабына сай болып, қаражатын ұтымды бағдарлап, бәсекеге қабілетті банк атануға және оған сай қызмет көрсетуге жағдай жасауы керек.