Энергиясы 12-30 МэВ аралығындағы 9Ве ядросының 28Si ядросынан серпiмдi шашырауын оптикалық модель негiзiнде талдау

Abstract

Ұсынылып отырған жұмыста 9 Ве ядросының 28 Si ядросында серпiмдi шашырау процестерi қарастырылды. Негiзгi зерттеу моделi ретiнде ядроның оптикалық моделi қолданылды. Талдау үшiн 12-30 МэВ аралығында жасалған эксперименттiк мәлiметтерi жинақталды. Кулондық тосқауылға жақын энергиялардағы мәлiметтердi талдау оптикалық потенциал параметрлерiн нақтылауда өте маңызды болып табылады. Потенциалдың радиусы мен диффуздығының нақты және жорамал бөлiктерi бiр-бiрiне тең деп болжамданып rr = ri және ar = ai , потенциал тереңдiктерiнiң нақты және жорамал құраушыларының қатынасы V0 / W0 ∼ 10 деген болжам бойынша iзделiндi. Талдау жұмыстары FRESCO коды көмегiмен iске асырылды.