Аннотации:
Қай ғасырда да біздің халқымыздың басынан өткізген тағдырлы жылдары аз
болмаған. Мақалада қазақ халқында орын алған нәубет жылдардың оқиғасы шынайы суреттелген
көркем шығармалар мазмұны талданады. Ол қазақ қаламгерлерінің романдарында көрініс тапқан.
Мұнда астарлы символдық мән мен өмір тіршілігі ауқымды оралымдар арқылы баяндалып, тұтастай бір кезеңнің оқиғасы суреттелген. Тарихи оқиғалардың көркем әдебиетте бейнеленуі – бұл өткен мен бүгін арасын жалғастырып, тағылым сабақтарын білдіреді. Сондықтан да мақала аясында
жазушылық шеберлік пен кейіпкердің бейнелік тұлғасы жан-жақты талқыланады. Заман оқиғасын
бейнелейтін тарихи шығармалар – ұлт руханиятының алтын тамыры бола алады.
