Abstract:
Қазақстан полиэтникалық мемлекет болып табылғандықтан еліміздің
тұтастығын сақтау – қоғамның алдында тұрған басты міндеттердің бірі.Қазақстандағы
этникалық топтарды зерттеу бірнеше аспектіде маңызды: біріншіден, Қазақстан әр алуан
этностарға бай, олардың әрқайсысының өзіндік бірегей мәдениеті, дәстүрлері мен әдетғұрыптары бар. Өзге этностардың мәдени және әлеуметтік ерекшеліктерін білу әртүрлі
ұлт өкілдері арасындағы өзара түсіністік пен сыйластыққа ықпал етеді. Этникалық
топтарды зерттеу әлеуметтік интеграцияға жағдай жасауға көмектеседі және
ұлтаралық келісімді нығайтуға ықпал етеді.Екіншіден,Қазақстанда бір аумақта бірге
тұратын халықтар көп. Этникалық топтарды зерттеу қоғамның ұлттық құрылымын
жақсырақ түсінуге мүмкіндік береді және көпмәдениетті диалогтың дамуына ықпал етеді.
Бұл өз кезегінде еліміздің саяси тұрақтылығын нығайтады.Үшіншіден,әрбір этностың өз
салт-дәстүрі мен ерекше қолөнері бар, бірнеше ұрпақ айналысатын шаруашылықтары бар.
Этникалық топтар мен олардың мәдени ерекшеліктерін зерттеу шаруашылық пен
қолөнерді дамытуға көмектеседі, бұл өз кезегінде сан түрлі этностар мекендеген аймақтардың экономикалық дамуына ықпал етеді.Сонымен, Қазақстандағы этностарды
зерттеу елдің әлеуметтік, саяси және экономикалық тұрақтылығы үшін де маңызы рөл
атқарады.Бұл мақалада Қазақстандағы тәжік әйелдерінің әлеуметтік-мәдени портретін
жасауға тырыстық. Ғылыми жұмыс негізінен екі зерттеу әдісіне негізделген
тереңдетілген сұхбат және қатыстық бақылау. Мақалада қатыстық бақылаудан алынған
зерттеу нәтижелері пайдаланылады.
