Abstract:
Қазіргі шақта шағын бизнесті дамытуға және қолдауға үлкен мән беріледі,
өйткені шағын бизнес нарықтық экономиканың маңызды элементі болып табылады және
елдердің дамуы үшін өте маңызды. Бүгінгі таңда шағын бизнес экономикалық өсу
қарқынын, жалпы ұлттық өнімнің құрылымы мен сапасын анықтайды. ҚР ҰЭМ-нің 2022
жылғы статистикалық деректеріне сәйкес, Қазақстанда ШОБ кәсіпорындарында жұмыс
істейтіндердің саны 3,5 миллион адамды құрады, демек еңбекке қабілетті санаттағы әрбір
үшінші ҚР азаматы осы салада тіркелген. Дамыған елдерде бұл көрсеткіш еңбекке қабілетті
азаматтардың 50% құрайды, бұл шағын бизнесті мемлекеттік қолдаудың дұрыс
пысықталған тетігінің нәтижесі. Осылайша, шағын бизнесті басқарудағы қызметті
мемлекеттік деңгейде қолдау өте қажет және Қазақстанның мемлекеттік органдары осы
саланы дамыту үшін айтарлықтай күш-жігер жұмсауда. Алайда жасалып жатқан
жұмыстарға қарамастан, шағын бизнестің дамуына кедергі келтіретін бірқатар проблемалар
бар. Осы себепті, дамыған шет елдердің шағын бизнесті мемлекеттік реттеу және шағын
бизнесті қолдау мәселелеріндегі тәжірибесін зерделеу маңызды.
