Аннотации:
Бұл мақалада Нұртөре Жүсіптің публицистикалық шеберлігіне талдау жасалынды. Автордың қалам тербеген өзекті тақырыптары айқындалып, шығармашылық
лабораториясы зерттелді. Тақырыпты ашу барысында публицистің жинақтарын, еңбектерін негізге ала отырып, көкейкесті мәселелерге назар аударып, қоғамдағы өзекті
тақырыптарға көңіл бөлініп, публицистің шығармашылық шеберлігі сарапталған.
Нұртөре Жүсіптің шығармашылық лабораториясын бақылап жүрген қазақ әдебиеті
мен журналистикасының нар тұлғаларының пікірлері, пайымдаулары, ой толғаулары, берген батасы мен ізгі тілектері де қамтылған. Публицистика мен журналистика салаларын зерттеген ғалымдардың ойлары, талдаулары арқылы Нұртөре Жүсіптің
шығармашылық даралығы айқындалған. Сондай-ақ, автордың қаламынан туған шығармалар тақырыптық ерекшеліктері бойынша топтастырылған. Публицистің шығармашылығын зерттеу барысында оқырман қауымға өзекті, қызықты шығармалары ұсынылып, олардың басты идеясы айқындалған.
