ТДМ-НЫҢ ЭКОНОМИКАЛЫҚ МӘНІ МЕН ОҒАН ҚОЛ ЖЕТКІЗУДЕГІ ЖАО-НЫҢ ЫҚПАЛЫ

Abstract

«Ешкімді артта қалдырмау» деген ұранды алға тартатын Тұрақты даму саласындағы Біріккен ұлттар ұйымы 2015 жылы қабылдаған 17 мақсаттың адамзат пен әлем үшін маңызы өте үлкен. «ТДМ күн тәртібі-2030» құжаты Кешенді және бөлінбейтін сипаттағы әлеуметтік, экономикалық және экологиялық мәселелерді шешуді мақсат етіп қойды. Бағдарламаның өзектілігі оны әлемнің 193 мемлекеті қабылдағандығынан байқауға болады. ТДМ-ның басты ерекшелігі - мемлекеттің қаржы ресурстарын жұмылдыру, технологиялар мен деректерді, мекемелерді барынша тиімді ұйымдастыру мәселелеріне шоғырланғандығында. Бұл жерде, Жоғарғы аудит органдарының Тұрақты даму мақсаттарына қол жеткізу барысындағы қатысушы ретіндегі рөлі ерекше көрінеді. Автор мақалада Жоғарғы аудит органдарының Тұрақты даму мақсаттарына жетудегі мемлекет үшін маңыздылығын ашып көрсететін құжаттарды саралаған. Сонымен қатар, жоғарғы аудит органдарының халықаралық ұйымының ТДМ саласына қатысты қазіргі уақыттағы жұмыс ерекшеліктері атап көрсетілген. «ТДМ-ның аудиті» анықтамасы бойынша талқылаулар қарастырылып, авторлық анықтама ұсынылған.