Abstract:
Өздігінен жүретін машиналардың конструктивтік орындалуына талдау жүргізудің арқасында, қазірәлемдік тәжірибеде топсалы-біріктірілген рамалары бар машиналарды пайдалануды кеңейту үрдісі байқалады. Сондықтан бұл мақала отандық өндірушілердің осы типтегі машиналарды жасау мүмкіндігін бағалау қажеттілігіне негізделген. Үлгілерді салыстырмалы бағалау олардың техникалық деңгейінің коэффициенттерімен анықталған машиналар сапасының жалпыланған көрсеткіштерін салыстыру және машиналардың пайдалану қасиеттерінің нақты көрсеткіштерін тікелей салыстыру арқылы жүргізілді. Бастапқы деректерді алудың ғылыми әдістері ретінде бағалау үшін ақпараттық іздеу, ақпараттық материалдарды статистикалық өңдеу, сараптамалық зерттеулер және математикалық модельдеу қолданылды. Әртүрлі дизайндағы өздігінен жүретін машиналардың пайдалану мүмкіндіктерін салыстырмалы квалиметриялық бағалау тығыз жол жағдайлары үшін топсалы біріктірілген рамасы бар машинаны қарапайым рамалық құрылымдағы машиналарға қарағанда тиімді болатындығын мойындауға негіз болады. Бұл біріктірілгенмашинаның жоғары өтімділігі мен маневрлілігіне байланысты, сонымен бірге рамалық машинамен бірдей жүк сыйымдылығының бар болғанына қарамастан жүк көтергіштігін арттырудың белгілі бір резерві бар.
