Abstract:
Мотор майының техникалық жай-күйін диагностикалау әдістері сипатталған. Мотор майы қозғалтқыштың тұрақты жұмысын қамтамасыз етіп, бөлшектердің мерзімінен бұрын тозуын болдырмайтын маңызды элемент болып табылады. Мотор майы қозғалыстағы бөлшектерді майлап үйкелісті азайтады, үйкеліс беттерін тозу өнімдерінен жуып тазалайды, сақиналар аймағында поршеньді нығыздап қозғалтқыш жұмысына қажетті компрессияны туғызады, қызған бөлшектерден жылуды алып кетеді, пайдалану барысында жиналатын коррозиялық агрессивті компоненттерді (отынның толық жанбаған өнімдері, конденсацияның әсерінен жиналған ылғал) бейтараптандырады.
