Аннотации:
Мақала алаш ағартушылығына, мәдени өміріне үлес қосқан белгілі қайраткер
Сұлтанбек Қожанұлының қайраткерлік және қаламгерлік қызметіне арналған. Қайраткердің еңбегі
ХХ ғасырдағы қазақ ағартушылығы мен мәдениетінің дамуына тың серпін берді. Сондықтан С.Қожанұлының шығармашылық жолын зерделеудің маңызы зор.
ХХ ғасырдағы рухани саладағы жетістіктерді танып-білу заманауи ғылымның өрлеуіне
бағыт-бағдар береді. Аталған кезеңдегі ұлттық ұстаным білім, мәдениет, өнер, саясат, ғылым, экономикада көрініс тапты. Оның құнды тұстарын бүгінгі заманда ескеріп, қолданысқа енгізу міндеті алда тұр. Бұл ретте алаштың ардақты тұлғасы С.Қожанұлы еңбектері мен өнегелі қызметінің
тағылымы мол. Оның қазақ баспасөзінде жарияланған мақалаларында ұлт тағдырына қатысты
өзекті мәселелер қозғалады. Жан-жақты дарынды тұлға публицисттік, әдебиет сыншысы, педагогтік, қайраткерлік, әдебиетші және ақындық қырларымен ерекшеленеді. С.Қожанұлының ұлт зиялыларымен бірге рухани салада атқарған қызметі тарихтан өз бағасын алды.
