Abstract:
ЭТААС әдісімен анықтау үшін платина(IV), палладий(II), теллур, алтын(III)-тің еритін
комплексті аммиакаттарының пайда болу шарттары, олардың тұзқышқылды, азот қышқылды ерітінділерін
аммиактың сулы ерітіндісімен өңдегеннен кейін сынама негізінің атомдық-абсорбциялық анықтауға әсері
зерттелді. Металдардың комплексті аммиакаттарын аналитикалық формалар ретінде пайдалану ұсынылады,
олар осы металдарды ЭТААС әдісімен анықтаумен ұтымды үйлеседі. Платина, палладий, теллур, алтынның
спектроскопиялық анықтауына ілеспе элементтердің әсері зерттелді.
Аммиактың сулы ерітінділеріндегі бір үлгіден платинаны, палладийді, алтынды, теллурды атомдықабсорбциялық анықтаудың селективті экспрессті әдістері жасалынды , оларды анықтаудың градуирленген
графиктері салынды және сол бойынша алтын мен күмістің аффинажы кегінде асыл металдардың мөлшері
анықталды.Статистикалық өңдеу жүргізу мақсатында кектің әр түрлі массаларында анықтаулар жүргізілді.
Олардың мөлшері жеткілікті жоғары болатын нысандардағы асыл металдарды талдау үшін қатты
фазалы спектроскопия және оңай балқитын органикалық заттардың экстракциясы негізінде біріктірілген әдіс
жасалды.
Жұмыста белгілі бір нысанның элементтік құрамын зерттеудің химиялық және физикалық әдістері
қолданылды: атомдық-абсорбциялық спектрометрия (ЭТААС), растрлық электронды микроскопия (РЭМ),
рентгенқұрылымдық талдау, гравиметрия, спектрофотометрия, қатты фазалық спектроскопия.
