ӘЛЕМДІК ТҰРАҚСЫЗДЫҚ ЖАҒДАЙЫНА БЕЙІМДЕЛГЕН ОТАНДЫҚ БАНКТЕР ҚЫЗМЕТІНІҢ ИННОВАЦИЯЛЫҚ МОДЕЛІ

Abstract

Банктердің трансформациясы олардың дамуының бүкіл кезеңінде болды, дегенмен соңғы жылдары цифрлық технологиялардың әсерінен банк бизнесіндегі өзгерістер түбегейлі болды. Соңғы жылдардағы тренд жетекші инноватор банктердің ірі IT компаниялар әлпетіне айналуы болды. Цифрландырудың әсерінен банк секторындағы трансформация банктік қызметтерді ұсынудың заманауи тәсілдерін қолданудан тұрады. Банктердің ашық филиалдарының саны жылдан-жылға азаюда. Көптеген қызметтер онлайн қызметтер саласына ауысуда. Бірақ бұл тренд бір жағынан дәстүрлі қызметте істейтін банктер үшін қауіп тудырады. Сондықтан банктерге нарықтағы өз позициясын сақтап қалу үшін бизнесмодельдерін қайта қарастыруды қажет етеді. Мақалада банк қызметін трансформациялау бойынша ұсыныстар беріліп, инновациялық модель құрылады.