Abstract:
Қазіргі таңда кез келген дамыған мемлекеттің өзіндік бюджет саясаты
болады. Сол бюджеттің көлемі мен атқарылуына қарай мемлекеттің әл-ауқаты
өлшенеді. Ал бюджет қаражаты мен мемлекеттік активтерді басқаруда және
тиімді пайдалануда "Мемлекеттік аудиттің" үлесі зор болып табылады.
Негізінен бұл мақалада мемлекеттік сатып алулар, мемлекеттік мүлік,
бухгалтерлік есеп және қаржылық есептілік, бағалау қызметін жүзеге асыратын
"Ішкі мемлекеттік аудит" саласын қарастырылып өтеді. Тұтастай алғанда,
мемлекеттік басқару жүйесінде мемлекеттік аудит пен ішкі мемлекеттік аудит
тұжырымдамасы көрсетіледі. Ішкі мемлекеттік аудит - мемлекеттік аудит
объектісінің Қазақстан Республикасы Мемлекеттік жоспарлау жүйесінің
құжаттарында көзделген тікелей және түпкі нәтижелерге қол жеткізуін,
қаржылық және басқарушылық ақпараттың сенімділігі мен анықтығын,
мемлекеттік органдар қызметін ұйымдастырудың ішкі процестерінің
тиімділігін, көрсетілетін мемлекеттік қызметтердің сапасын, мемлекет
активтерінің сақталуын талдау, бағалау және тексеру болып саналады.
Сонымен қатар, ішкі мемлекеттік аудиттің жүргізу кезеңдері мен типтері ашып
көрсетіледі. Жалпы осы ішкі мемлекеттік аудиттің тексеру барысы мен тексеру
түрлерінің әрқайсысы қарастырылады.
