Abstract:
РБА концепциясы пайда болған сəттен бастап маңызды функционалдық аймақ ретінде ғылыми жəне басқа да салалардың назарын өзіне аударып келеді. Берілген зерттеу жұмысы РБА-ның даму тарихын қысқаша түсіндіруге бағытталған. Ол сол жағалаудағы Қызылорда қаласында РБА-ға қатысты пайда болған мəселелерді көрсетуді көздейді. Жаңа Қызылорда қаласы РБА -Сырдария өзенінің сол жағалауында орналасқан. Ол тарихи жəне мəдени ресурстар мен бизнес жүргізуге таптырмас орын. Дегенмен, рекреациялық қызмет көрсету тұрғысынан қарағанда, РБА ғы рекреациялық орта нашар дамыған. Берілген жұмыста сол жағалаудағы қала РБА-ғы қазіргі таңда орын алып отырған мəселелер мен кемшіліктерге талдау жасалады, ол рекреациялық қосымша қондырғыларды, тарихи жəне мəдени туризм өнімдерінің дамуы мен аймақтың тарихи, мəдени маңыздылығын қамтиды. Зерттеу жұмысы рекреациялық қосымша қондырғыларды, тарихи жəне мəдени туризм өнімдері мен дəстүрлі мəдени мұраны дамыту тұрғысынан рекреациялық қызмет көрсетудің жаңғыртпаларын қарастырады, экономикалық, экологиялық жəне əлеуметтік дамулардың үйлесімділігіне қол жеткізуде РБА-ның жалпы тұрақты дамуы мен тарихи-мəдени мұраларды негізге алады. РБА-ның қалыптасуы мен дамуы қалалық дамудың жаңа бастамаларының пайда болуына түрткі болды: əр түрлі қызмет түрлерін ұсынатын қалалық аймақтар, бір қызмет түрін ұсынатын аймақтарға қарағанда халықтың көңілін көбірек тартып, бəсекеге қабілетті бола түседі.
